தமிழ் இலக்கணம் - ஓர் எளிய அறிமுகம் Part - 1

எழுத்து : முதல் எழுத்து - சார்பேழுத்து 

எழுத்து எனப்படுப அகரம் முதல் னகர இறுவாய் முப்பஃது என்ப சார்ந்து வரல் மரபின் மூன்று அலங்கடையே - 1

அவைதாம்,
குற்றியலிகரம் குற்றியலுகரம்
ஆய்தம் என்ற
முப்பாற்புள்ளியும் எழுத்து ஓரன்ன. 2

அவற்றுள்,
அ இ உ
எ ஒ என்னும் அப் பால் ஐந்தும்
ஓர் அளபு இசைக்கும் குற்றெழுத்து என்ப - 3                  ஆ ஈ ஊ ஏ ஐ ஓ ஔ                                                  என்னும் அப் பால் ஏழும்
ஈர் அளபு இசைக்கும் நெட்டெழுத்து என்ப. 4

மூ அளபு இசைத்தல் ஓர் எழுத்து இன்றே. 5

நீட்டம் வேண்டின் அவ் அளபுடைய
கூட்டி எழூஉதல் என்மனார் புலவர். 6

கண் இமை நொடி என அவ்வே மாத்திரை
நுண்ணிதின் உணர்ந்தோர் கண்ட ஆறே. 7

•  ழ் + ஊ (நெடில்) = 2 மாத்திரை
• உ ( குறில்) = 1 மாத்திரை
• மொத்தம் = 3 மாத்திரை

• எழுத்து = ஒலி வடிவம்
• மாத்திரை அளவு: கண் இமைக்கும் / விரல் சொடுக்கும் நேரமே ஒரு மாத்திரை 

• முதல் எழுத்து 30: 'அ' முதல் 'ன்' வரை முப்பது எழுத்துகள் முதல் எழுத்துகள்; மற்ற ஒலிகளுக்கு இவையே மூலம்.  ( ஆங்கிலத்தில் 26 - இரண்டு எழுத்துக்களே அதிகம் )
• சார்பெழுத்து =  மாத்திரை குறைந்து ஒலிப்பவை. தொல்காப்பியம் 3 வகை (குற்றியலுகரம், குற்றியலிகரம், ஆய்தம்); நன்னூலில் பவணந்தி முனிவர் 10 வகைப்படும் என்கிறார். 

• 
  
• குற்றெழுத்து (குறில்) — 1 மாத்திரை: அ, இ, உ, எ, ஒ — ஐந்து எழுத்துகள், ஒரு மாத்திரை அளவில் ஒலிக்கும்.
• நெட்டெழுத்து (நெடில்) — 2 மாத்திரை: ஆ, ஈ, ஊ, ஏ, ஐ, ஓ, ஔ — ஏழு எழுத்துகள், இரு மாத்திரை அளவில் ஒலிக்கும்.
• அளபெடை- மூன்று மாத்திரை எழுத்து இல்லை: நீட்ட வேண்டின் அதே  இணையெழுத்தை  சேர்த்து எழுதுவர் ("அளபெடை").
•