யார்க்கும், எதற்கும், எங்கும், எப்பொழுதும் அஞ்சோம்;

பெயர்க்காரணம் 

அகவல் 

அச்ச மில்லை, அழுங்குத லில்லை,
நடுங்குத லில்லை, நாணுத லில்லை,
பாவ மில்லை, பதுங்குத லில்லை;
ஏது நேரினும் இடர்ப்பட மாட்டோம்;

அண்டஞ் சிதறினால் அஞ்ச மாட்டோம்;
கடல்பொங்கி எழுந்தாற் கலங்க மாட்டோம்;
யார்க்கும் அஞ்சோம், எதற்கும் அஞ்சோம்;
எங்கும் அஞ்சோம், எப்பொழுதும் அஞ்சோம்;

வான முண்டு , மாரி யுண்டு ,
ஞாயிறும் காற்றும்  நல்ல நீரும் ,
தீயும், மண்ணும், திங்களும், மீன்களும் 
உடலும், அறிவும், உயிரும் உளவே ;
தின்னப்  பொருளும் சேர்ந்திடப் பெண்டும் 
கேட்கப்  பாட்டும் காண நல்லுலகும் 
களித்துறை செய்ய கணபதி பெயரும் 
என்றும்இங்  குளவாம்;சலித்திடாய் ,ஏழை 
நெஞ்சே ;வாழி நேர்மையுடன் வாழி ,
வஞ்சகக் கவலைக் (கு)இடம் கொடேல் மன்னோ 
தஞ்ச  முண்டு சொன்னேன்,
செஞ்சுடர்த் தேவன் சேவடி நமக்கே.

பாரதி கூறும் அறிவுரை 

குறிப்புரை 

அன்பின்மை, ஆற்றலின்மை, இயலாமை, ஈகையின்மை, ஏக்கம், ஐயம், ஒழுக்கமின்மை, ஓயாத துன்பம் ,.. என அணைத்து எதிர்மறை அனுபவங்களினாலும் உடலும், மனமும் வலிமை இழந்து சோர்வில் துவள்கின்ற இன்றைய உலக மக்கள் அனைவர்க்கும், அன்றே பாரதி அளித்த ஒளடதம்(கேடயம்) இந்தப்  பாடல்வரிகள்.